Fréttaskot

Skíðaskotfimi er blanda af skíðagöngu og skotfimi og fer áhuginn á þessu nýja sporti á Íslandi sívaxandi. Fólk á Ströndum hefur löngum verið talið nýjungagjarnt fólk og til í flest, svo mátti síðar deila um hversu gáfulegar nýjungarnar voru. Við hjá Skíðafélagi Strandamanna tökum þessu nýja skíðasporti af heilum hug.

Skíðafélag Strandamanna átti sex áhugasama þátttakendur á þjálfaranámskeiði sem SKÍ bauð upp á.

Skíðafélag Strandamanna heldur tvö almenn námskeið í hefðbundinni skíðagöngu í 26.-28. janúar og 23.25. febrúar ásamt námskeiði í skíðaskotfimi 17.-18. febrúar.

Skíðaskotfimimót verður haldið 12. mars, daginn eftir Strandagönguna. Um er að ræða samstarfsverkefni Skíðasambands Íslands og Skíðafélags Strandamanna til kynningar á íþróttinni.

Skráning í 29. Strandagönguna sem haldin verður í Selárdal 11. mars 2023 er hafin og fer skráningin fram í gegnum vefsíðuna netskraning.is