Fréttaskot

Skráning í 31. Strandagönguna sem haldin verður í Selárdal 8. mars 2025 er hafin ásamt skíðaskotfimimóti SFS 9 mars. Skráning fer fram í gegnum vefsíðuna netskraning.is

Skíðafélag Strandamanna heldur tvö almenn námskeið í hefðbundinni skíðagöngu, helgarnar 24.-26. janúar og 31. janúar-2. febrúar ásamt námskeiði í skíðaskotfimi 1.-2. mars.

Skíðaskotfimi er íþrótt sem blandar saman skíðagöngu og skotfimi. Keppt verður 10. mars, daginn eftir Strandagönguna. Umframtekjur skotfimimótsins fara í að greiða fyrir búnað sem við höfum verið að fjárfesta í.

Skíðafélag Strandamanna hefur nú verið skráð á almannaheillaskrá Skattsins. Það þýðir að einstaklingar og fyrirtæki sem styrkja félagið með fjárframlögum geta fengið endurgreiðslu frá skatti. Þetta virkar þannig í stuttu máli að eftir að gjöf hefur verið greidd með millifærslu er sendur tölvupóstur til okkar og við sendum inn tilkynningu til RSK um gjöfina.

Skíðaskotfimi er blanda af skíðagöngu og skotfimi og fer áhuginn á þessu nýja sporti á Íslandi sívaxandi. Fólk á Ströndum hefur löngum verið talið nýjungagjarnt fólk og til í flest, svo mátti síðar deila um hversu gáfulegar nýjungarnar voru. Við hjá Skíðafélagi Strandamanna tökum þessu nýja skíðasporti af heilum hug.

Skíðafélag Strandamanna átti sex áhugasama þátttakendur á þjálfaranámskeiði sem SKÍ bauð upp á.